Tababaraha AC Milan Sergio Conceicao ayaa fahmay niyad jabka jamaahiirta ka dib guuldaradii sabtidii ka soo gaartay Torino, isagoo ku garaacay “khaladaadka aan la qasbin” kooxdiisa.
Milan ayaa guuldarro jahawareer ah kala kulantay Serie A iyadoo gool uu iska dhaliyay Malick Thiaw iyo rigoore uu qasaariyay Christian Pulisic ay ka qeyb qaadatay guuldarro 2-1 ah.
Jamaahiirta safarka ah ayaa muujiyay sida ay uga xun yihiin todobaad adag oo ay sidoo kale Milan ka baxday Champions Leaque-ga, waxayna soo bandhigeen boorar iyo heeso badan oo kooxda ku booriyay in ay horumariyaan qaab ciyaareedkooda.
“Gabi ahaanba way saxan yihiin inay sidaas sameeyaan, annaga ayay nagu tahay inaan halkan nimid oo aanan ku guuleysan, marka dabiici ahaan waxaa jira rajooyin aad u sarreeya. Kuma qancinno marka ay jiraan dhaleeceyn lagu sameeyo agaasimayaasha, ciyaartoyda ama shaqaalaha. Annagu waxaan nahay Milan, waxaana si wadajir ah u qaadaa dhaleeceynta,” Conceicao ayaa u sheegay suxufiyiinta.
“Torino waxa ay 1-0 ku hogaamineysay qeybta nasashada iyada oo aan hal shuud oo gool ah lagu dhalin,halka aan khasaarinay rigoore iyo fursado kale oo badan.
“Arrimuhu way dhacaan, waana inaan sii xoog badnaannaa markaan ka falcelinayno, waxaan garwaaqsanahay inaysan u fududayn ciyaartoyda sidoo kale markii uu ciyaaryahankii ugu fiicnaa Torino uu ahaa goolhayahooda, waxaana sameynay 30 isku day oo gool ah.
“Waan ka xumahay taageerayaashii joogay kulamadii ugu dambeeyay.
“12-15-kii gool ee ugu dambeeyay ee nalaga dhaliyay waxay ahaayeen kuwo aad u badan dhammaan qaladaad aan qasab ahayn, ma ahan istaraatiijiyad ama qaab dhismeed, kuwani waa waxyaabo aan inta badan la yaabanahay sida ay xitaa suurtogal u yihiin.”
Tababarihii hore ee Porto ayaa halis galiyay qaar ka mid ah taageerayaasha safarka ah markii uu bedelay Rafael Leao waqtigii nasashada.
Leao ayaa ku dhibtoonayay inuu saameyn ku yeesho qeybtii hore ee ciyaarta, isagoo kaliya 29 taabtay, islamarkaana hal darbo oo kaliya ka baxay.
“Rafa ma uusan ku jirin xaaladiisa ugu fican, waxaa jira ciyaaryahano kale, dhamaantoodna waa muhiim,” ayuu yiri Conceicao.
“Weli waxaan leeyahay waa inaan diiradda saarin beddelka ama qaab-dhismeedka marka laga dhalinayo laba gool oo qosol leh, sida qof kastaa uu ku dhibtoonayo xaaladahaas.”
Milan ayaa laga badiyay afar ka mid ah shantii kulan ee ugu danbeysay ee ay marti ahaayeen (W1) tartamada oo dhan – labo Serie A ah iyo labo Champions League – inta ay la kulmeen dhamaan 12kii kulan ee ugu danbeysay ee ay martida ku ciyaareen xilli ciyaareedkan (6 guul, 2 barbaro).
