Ruben Amorim ayaa abaal mariyay Rasmus Hojlund ka dib markii weeraryahanka Manchester United uu soo afjaray abaartii gool ee marathon ee guushii Leicester habeenkii Axada.
Waxa ay ahayd wax-qabadkii saddexaad ee cajiibka ahaa ee ay United toddobaad gudihiis samaysay, iyada oo Amorim uu ka shallaynayey kaliya in xamaasadda kooxdiisa ay hadda hakad geli doonto fasaxa caalamiga ah.
Amorim wuxuu yiri: ‘Runtii aad bay muhiim ugu tahay Rasmus. Wuxuu sameynayaa waxyaalihii saxda ahaa, isagoo caawinaya kooxda, u dagaallamaya kubad kasta. Waxa uu dhaliyay gool aad u fiican, waxaana filayaa inuu u qalmay in ka badan qof kasta.
‘Waxa uu ahaa gool adag oo uu si adag u koontaroolay cagtiisa midig. Waa ceeb inaan u joojino xulalka qaranka sababtoo ah waxaan haysanaa kalsooni.
‘Maanta way iska caddaatay ciyaartoydaydu inay xadka ku jiraan. Waxaan u isticmaali doonaa daaqadan si aan u nasano oo u soo kabsano. Way fiicnaan doontaa. Markaan soo laabanno, waxay la mid noqon doontaa inaan meel eber ka soo bilowno.
United waxaa soo gaaray dhaawac dib u dhac ah markii da’yarka Ayden Heaven la qaaday horaantii qeybtii labaad, inkastoo la fahamsan yahay in da’yarka uusan tagin isbitaalka.
“Waxaan arki doonaa usbuuca soo socda, ayuu raaciyay Amorim. ‘Waa ay adagtahay in la fahmo sababtoo ah markii uu dhulka ku sugnaa ma uu sharixi karin waxa uu dareemayo.
“Hore si fiican ayuu u ciyaaray kulamadii Arsenal iyo Real Sociedad. Maanta aniga waxa ay ii ahayd ciyaartii ugu adkeyd, waayo waxa aan filaynaa in uu yara nasiyo, laakiin aad ayuu u foojigan yahay”.
Goolasha kale ee United waxaa u kala dhaliyay Alejandro Garnacho, oo dhaliyay markii ugu horeysay 25 kulan, iyo Bruno Fernandes oo dhaliyay goolkiisii shanaad ee isbuuc gudihiis, waxaana uu ku daray labo caawin.
“Garnacho runtii aad ayuu u faraxsanaa laakiin waxa ugu muhiimsan ayaa ah sida uu u horumarinayo ciyaartiisa,” ayuu yiri tababaraha United. “Labada dhinacba wuu ka ciyaarayaa oo dib ayuu u soo ordayaa. Markaad waxyaalaha wanaagsan sidaas u samayso way kuu muuqan doontaa.
Fernandes, Amorim wuxuu ku daray: “Waxa aadka iiga yaabiyay waa sida uu u shaqeeyo maalin kasta. Portugal, waxaan ku aragnaa Bruno niyad jabkaas, laakiin waan la yaabay sababtoo ah waa xirfadle aad u wanaagsan.
Guuldaro kale ayaa Leicester uga dhigtay in ay sii dheeraato diilinta heerka labaad, laakiin tababare Ruud van Nistelrooy ayaa diiday inuu tuuro tuwaalka.
“Ciyaartoyda waxa ay siinayaan wax walba oo ay haystaan,” ayuu yidhi. ‘Farqigu waa sagaal dhibcood. Way weyn tahay laakiin ma awoodno mana quusan doono. Waanu sii socon doonaa oo aan isticmaali doonaa dhammaan fursadaha aan haysano si aan xaaladdan u weeciyo. Hadda nasasho dheer ayaannu heli doonnaa oo aan ka soo laaban doonnaa.
