Manchester City ayaa ku xasuuqday gacmaha Real Madrid dharbaaxo xun oo ku dhacday kooxda xilli ay buux dhaafiyeen iyaga – waxayna sidoo kale calaamad shaqsi ah oo aan loo baahnayn u keentay Pep Guardiola.
City ayaa ka hartay tartanka Champions League habeenimadii Arbacada iyadoo Kylian Mbappe uu seddexley ka dhaliyay kooxda Real Madrid, taasoo keentay in 6-2 looga badiyay wadar ahaan. Kooxda Carlo Ancelotti ayaa si buuxda ugu gacan saraysay lugtii gurigeeda waxana ay u soo baxday wareega 16-ka iyaga oo si cajiib ah ugu soo baxay.
Guushii wacneyd ee ay 4-0 kaga badiyeen Newcastle isbuucaan, oo uu ku jiray seddexleydii uu dhaliyay Omar Marmoush, ayaa taageerayaasha City u soo bandhigtay rajo ka hor safarka Bernabeu, laakiin si deg deg ah ayaa loo damiyay. Guuldaradii heerkan ayaa xaqiijisay in City ay ka hartay Champions League ugu horeysay tan iyo markii ay ku guuldareysteen inay ka soo baxaan group-kooda 2012/13.
Waxa xusid mudan in ay ahayd guuldaradii 13-aad ee xilli ciyaareedkan City soo gaadha, taas oo ah kooxdii ugu badnayd ee uu tababare Guardiola la kulmo hal xilli xilli ciyaareed oo dhan intii uu joogay Barcelona, Bayern Munich iyo City. Guardiola ma uusan isku dayin inuu sonkorta ku daboolo sawirka xun shirkiisa jaraa’id ee ciyaarta ka dib.
“Markaad ku dhameysato 22-aad [wajiga group-yada Champions League] sababtoo ah ma aadan fiicneyn,” ayuu qirtay. “Waa sanadkii aan ugu darnay. Ma hayno laxanka ay Madrid hadda leedahay. Wax lagu daro ma jiraan. Waxay ahaayeen kooxda ugu fiicneyd. Waa inaad aqbashaa xaqiiqda.
“Waagii hore waxaa laga yaabaa inay wax badan dhaawacday. [Ma aha] awood la’aan, maya. Waxaan ahayn koox weyn, sanadkanna sababo badan ma nihin. Waxa aanu gaadhnay wax u gaar ah dalkeena iyo Yurub, hal mar ayaanu guulaysanay marar badana waanu joognay. Go’aamada waa in lagu sameeyaa heer kooxeed iyo qof walba iyo hadda si loogu soo baxo afarta ama shanta sare ee soo noqoshada.”
City ayaa la soo saxiixatay Marmoush, Abdukodir Khusanov, Nico Gonzalez iyo Vitor Reis suuqii Janaayo iyagoo si cad u qirtay in kooxdooda aysan ku filneyn. Guardiola ayaa soo afjaray wararka la isla dhexmarayay ee ku saabsan mustaqbalkiisa bishii November isagoo saxiixay qandaraas cusub oo labo sano ah, waxaana uu durba hal il ku leeyahay dib u dhiska kooxdiisa.
“Wax yar, haa, waxaan bilownay inaan sameyno [dib u dhiska],” ayuu yidhi. “Arrimuhu ma aha kuwa waara, waxaa jira ciyaartoy da’ ah. Waqti ka dib kooxda, kooxda iyo qof kasta ayaa aqbali doona waxa ay tahay. Waxaan ahayn kuwo aan la rumaysan karin [hore] waana inaan isku daynaa tallaabo tallaabo si aan u soo rayno [mar kale]. Ma ku guuleysan karno Premier League.
“Koobka FA ayaa jira. Waa inaan noqonaa afarta sare, shanta ugu sareysa, waxaan isku dayi doonaa inaan mar kale halkaan joogno.” Mar la weydiiyay inuu awood u leeyahay inuu sii wado, wuxuu ku jawaabay: “Haa, haa, haa. Haa, haa. Waxaan rabaa in aan sii wato.”
